囂三日

有一條村, 村民勤勉務農, 人人豐衣足食, 遺憾是人人目不識丁.

村長提議, 不如請個老師教導一下村內的子弟, 增長一下文化知識, 以免被人嘲笑.

有一日, 有個讀過兩年卜卜齋, 識 d 唔識 d o既不學無術之徒經過條村, 見有告示要請老師, 走去應徵.

由於村民個個是文盲, 冇人知佢掂唔掂, 終於俾佢搵到份工, 成為老師.

如是者, 過左幾年, 有一日, 有個學生指住本書上面一個字問 : 老師, 呢個字點讀 ?

老師一望, 頭痕矣, 真是孤陋寡聞, 未見過呢個字, 還是第一次見到這個 "梟" 字.

老師心諗 : 呢個字, 雀仔係碌木上面, 梗係mou 左係碌木度啦 ...

然後同個學生講 : 呢個字讀"mou"!

如是者, 成條村o既人都將個 "梟" 字讀成"mou"...

....

過左 30 年, 老師漸漸年老, 要退休啦 ...

村民是個個都自認知書識墨, 冇理由唔俾佢繼續落去,村長又登告示請新老師 ...

有一日, 有個好有學問既舉人經過條村, 見到請人, 咁佢就去應徵, 經個老師考左一輪, 認為都有 d
料到, 終於請左佢.

過左幾日, 舊老師要回鄉, 執埋包袱, 走人矣 ...

呢一日, 有個學生又指住本書上面一個 "梟" 字問 : 老師, 呢個字點讀 ?

老師同個學生講 : 呢個字讀"囂"!

呢個學生返到屋企, 大大聲讀個 "梟" 字出來 ...

佢老豆正在做野, 聽到"囂"字, 問 : 亞仔, 你讀乜野話 ?

仔 :"囂"law.

老豆 :"囂"乜呀, 明明係"mou"字.

仔 : 唔係喎, 老師話係"囂"字喎.

老豆 : 呢個老師唔知點教細路o既, 唔識讀就唔好亂教人啦 !

第二日, 個老豆同個老師交涉 : 老師, 你點教我個仔架, 將個"mou"字教成"囂"字, 你有冇搞錯呀 !

老師 : 亞家長呀, 呢個字你係邊度學番黎架 ?

老豆 : 你理得我丫, 假假地我係本村考第一, 你冇得挑戰我.

老師 : 你唔使咁燥, 呢個字係讀"囂", 本本字典都係咁讀架啦, 你查查字典先.

老豆 : 查乜野呀查, 你本字典有冇經鄉公所教育部核批架,點知你本字典堅定流呀, 就算係翰林院大 學士編既, 冇經鄉公所教育部核批, 我都當佢流o既. 我地人人都係讀個"mou"字, 你又古靈精怪, 係要讀個"囂"字. 又叫人查字典, 正一係尋章摘句, 古之腐儒.

老師 : 唔係呱, 查字典都唔岩 ...

老豆 : 梗係唔岩啦, 字典係 d 老年咁遠o既野, 而家 d 字o既讀音呀, 意義呀, 都唔同晒, 都唔切合而家既需要, 你不如用文言文同我講野丫, 笨 !

老豆拉埋個仔去鄉公所開會, 大家一致裁定, 炒左個舉人老師.

................

舉人老師唯有執埋包袱返鄉下 ...

返鄉途中, 咁岩撞番前任個老師 ...

前任老師 : 咦, 唔撈啦 ?

舉人老師 : 唉, 俾人炒.

前任老師 : 咁奇 ?

舉人老師 : 鬼咩, 佢地堅持個 "梟" 字讀 mou, 我話讀"囂",佢地唔信, 炒左我law.

前任老師 : 你豬頭丙之ma, 打工o既野, 人地叫你"mou", 你就"mou"啦, 睇下我, 我都"mou"足 30 年啦; 你係都要"囂", 之咪就係"囂" 3日咁大把law ...